13 të bu’rgosur në bu’rgun e Strugës fillojnë grevën e urisë! Për 6 muaj u është ndaluar e drejta e fundjavave të lira

Shkup, 9 maj – 13 të burgosur në institucionin korrektues të Strugës kanë hyrë në grevë urie në shenjë proteste ndaj ndërprerjes së vikendeve që u takojnë sipas të drejtave të garantuara nga rregulloret e brendshme dhe ligjet në fuqi. Sipas burimeve nga brenda institucionit, këto masa do të zgjasin 6 muaj dhe janë ndërmarrë pa sqarime të mjaftueshme dhe pa ndonjë vendim të qartë ligjor, gjë që ka nxitur pakënaqësi të madhe mes të dënuarve.

Ata kërkojnë rikthimin e menjëhershëm të vikendeve, që për ta përfaqësojnë një nga të vetmet mënyra për të ruajtur lidhjen me familjet dhe për të mbajtur një nivel minimal të dinjitetit njerëzor gjatë kohës së vuajtjes së dënimit.