193
Shkup, 22 nëntor – Nga Ministria e Punëve të Brendshme njoftojnë se gjatë ditës së djeshme, nga Klinika për Veshkë në Shkup, është raportuar se në ambientet e Klinikës ka ndërruar jetë një emigrant 41 vjeç, përcjell TV21.
“Më 21.11.2025, në orën 07:50, në SPB-Shkup nga Klinika e Nefrologjisë pranë Kompleksit të Klinikave “Nëna Terezë” – Shkup është raportuar se më 20.11.2025, në ora 00:16, te ta për ndihmë mjekësore është sjellë L.Sh. (41), emigrant, i cili më 21.11.2025, në ora 06:48 ka ndërruar jetë. Me urdhër të prokurorit publik, trupi i të ndjerit është dërguar për autopsi”, thonë nga MPB.