Dy kumanovarë gjatë vikendit në qytetin e Kumanovës, kanë mbetur pa vetura, të cilëve policia ua mori veturat për shkak të mosrespektimit të rregullave të komunikacionit. Tek njëri, autoritetet policore kumanovare, kanë konstatuar se po e ngiste veturën pa patentë shoferi, kurse tjetri po voziste veturën, megjithëse kishte “ndalesë”.
Sipas Policisë së Kumanovës, ngjarja e këtillë ka ndodhur me datën 7 shkurt të këtij viti, në ora 23:45, në rrugën “Branko Bogdanski-Gucman” Kumanovë. Po me këtë rast, nga liria është privuar personi me iniciale S.O. (19) nga Kumanova, si dhe qytetari me iniciale T.M. (25) nga Shkupi, i cili po e voziste makinën duke patur “ndalesë për drejtimin e automjetit të kategorisë B”. Që të dy personat e apostrofuar tani më janë arrestuar.