Dy persona u arrestuan të mërkurën në Ferizaj nën dyshimin për spiunazh. Shtetasit kosovarë Muharrem Qerimi dhe Bedri Shabani, u arrestuan pas një hetimi disamujor nga Prokuroria Speciale në bashkëpunim me Policinë e Kosovës dhe AKI-në.
Lidhur me këtë rast, eksperti i sigurisë Drizan Shala ka shkuar se AKI dëshmoi se është në krye të detyrës, duke mbrojtur integritetin dhe ruajtur sigurinë e Kosovës.
Shala ka shkruar se ne duhet t’i besojmë sistemit tonë të sigurisë që hodhëm themelet në vitin 1999, e pastaj e zyrtarizuam në vitin 2008 dhe të cilin e forcuam gjatë viteve deri më sot.
“Faleminderit: Heronjtë tanë të heshtur”, ka shkruar Shala.
Prokuroria Speciale e Kosovës, ka bërë të ditur se ndaj të dyshuarve ka nxjerrë aktvendim për ndalim prej 48 orësh dhe ndaj të njëjtëve do të ndërmerr të gjitha veprimet e nevojshme hetimore. /Telegrafi/