Shkup, 24 qershor – NP Higjiena Komunale – Shkup sot në mëngjes kryen aktivitete të përforcuara për pastrim pas reshjeve të dendura të shiut që kanë përfshirë qytetin e Shkupit gjatë natës së mbrëmshme.Në koordinim me Qytetin e Shkupit, ekipet e Ndërrmarjes realizojnë aktivitete për pastrimin e sipërfaqeve publike dhe të komunikacionit, me qëllim që të mundësohet kalueshmëria e lëvizjes së këmbësorëve dhe rrjedha e sigurt e komunikacionit.
NP Higjiena Komunale – Shkup punon me kapacitet maksimal dhe me angazhimin e të gjithë punonjësve të disponueshëm në terren, si dhe me përdorimin e gjithë mekanizimit.
Aktivitetet zhvillohen në të gjitha komunat e Shkupit, është plotësisht i pastruar dhe i kalueshëm bulevardi Brigada 16 Maqedonase në komunën e Gazi Babës, bulevardi Nikola Karev (Rruga e Plastikave), nënkalimi i shtëpisë së mallrave “Most”, nënkalimi Pavel Shatev, si dhe rruga Xhon Kenedi në komunën Çair të Shkupit, ndërsa aktualisht është duke u pastruar rrethrrotullimi i Belasicës.
Ekipet e Ndërrmarjes janë angazhuar edhe për të vendosur përsëri enët për hedhjen e mbetjes të cilat u zhvendosën gjatë stuhisë.
Aktivitetet do të vazhdojnë gjatë gjithë ditës, në drejtim të sanimit të plotë të pasojave të stuhisë në terren.