Shkup, 7 shtator – Tashmë nuk është çështje dileme por fakt i vërtetuar ndër vite që pothuajse secila familje shqiptare por edhe të etnive tjera të paktën një e më shumë anëtarë të familjes kanë në Perëndim, gjegjësisht, në Gjermani, Zvicër apo Austri, pjesa dërmuese. Duke mos përjashtuar edhe vendet edhe shumë vende të tjera. Kjo shpërndarje e qytetarëve të këtij vendi gjithandej botës bënë të obligueshëm edhe vizitat e qytetarëve vendas që t’i vizitojnë bashkë familjarët e tyre. Heqja e vizave për të hyrë në zonat shengen për qytetarët ka qenë pavarësim i dyfishtë, vizitat u lehtësuan mjaftueshëm vizitat. Por, tani shumë vite më vonë janë vendosur disa rregulla të reja të qarkullimit në zonat shengen e për të cilat duhet të jenë të njoftuar të gjithë qytetarët që të mos hasin në probleme gjatë udhëtimit, shkruan Zhurnal.
Sistemi i ri i hyrjes dhe daljes (EES) në Bashkimin Evropian (BE) do të hyjë në fuqi më 10 nëntor të këtij viti –
Të gjithë udhëtarët nga vendet jo anëtare të BE-së do të duhet të regjistrojnë hyrjen dhe daljen e tyre nga vendet e BE-së, si dhe nga zonat Shengen duke lënë të dhënat e tyre biometrike, duke përfshirë gjurmët e gishtërinjve, skanimet e fytyrës dhe të dhënat e pasaportave, kur hyjnë në territorin e BE-së.
Sistemi i vulosjes së pasaportave do të zëvendësohet së shpejti me futjen e kontrolleve digjitale për të gjithë pasagjerët që vijnë nga vendet jashtë BE-së. Kështu ka bërë të ditur Komisionerja Evropiane për Punët e Brendshme dhe Migracionin, Ylva Johansson.
Sistemi Evropian i Informacioneve dhe Autorizimeve për Udhëtime (ETIAS) do të zbatohet verën e ardhshme, që do të thotë se udhëtarët nga vendet që kanë një regjim pa viza me BE-në duhet të aplikojnë online për një leje hyrjeje, duke paguar një tarifë prej 7 eurosh nuk paguhet nga personat nën 18 vjeç e mbi 70 vjeç, bashkëshortët/partnerët e regjistruar dhe fëmijët e shtetasve të BE-së dhe vendeve Shengen, si dhe fëmijët e bashkëshortëve/partnerëve që vijnë nga jashtë BE-së.
ETIAS do t’u kërkojë qytetarëve nga rreth 60 vende të plotësojnë një formular të veçantë nëpërmjet kompjuterit ose aplikacionit celular përpara se të udhëtojnë. Me rastin e plotësimit të aplikacionit për herë të parë, pasagjeri fut të dhënat personale, e-mail dhe numrin e telefonit, si dhe detaje nga dokumenti i udhëtimit. Udhëtari do të duhet gjithashtu të fusë detajet e arsimit dhe punësimit aktual, si dhe detajet e udhëtimit dhe qëndrimit të planifikuar në vendin e BE-së. Do të kërkohen gjithashtu detaje për çdo dënim penal, udhëtim në të kaluarën në zona lufte ose zona konflikti, dhe informacione nëse personi është dëbuar nga ndonjë vend. Personave pa autorizim ETIAS do t’u refuzohet hyrja në kufi.
Edhe marrja e asaj certifikate nuk do të thotë se udhëtari lejohet automatikisht të hyjë në vendin e BE-së. Të gjithë pasagjerët ende do të kontrollohen dhe një oficer kufitar mund t’i refuzojë hyrjen një personi që nuk i plotëson kërkesat.
Lehtësim apo komplikim rregullat e reja?
Për qytetarët ky është një hap prapa. Ata që kanë udhëtuar në kohën kur ka pasur viza, thonë se rregullat e reja i kujtojnë disi atë periudhë.
“Patjetër që do ta komplikojë udhëtimin. Me sa kuptoj mund te kem gabim por lexova dhe hulumtova fillimisht duhet te besh nje llogari dhe per regjistrim duhet te paguash 7 euro dhe zgjat 3 vjet ose deri ne skadimin e dokumentit te udhetimit. Sa herë që udhëtoni në BE, duhet të identifikoheni dhe të merrni një leje ose refuzim brenda 24 orëve. Ne jemi një rajon që kufizon vendet nga sistemi Shengen, këtu kemi një projekt specifik me Greqinë dhe udhëtojmë për në Selanik çdo ditë. Në atë formë nuk mund të deklarojmë se ku po qëndrojmë, sepse shkojmë në mëngjes dhe kthehemi pasdite. Dhe nuk e di se çfarë do të thotë për banorët e Gjevgjelisë së Manastirit, sepse ata shkojnë dhe kthehen në të njëjtën ditë. Në atë formë duhet të thuhet se në cilën pikë kufitare do të kalojmë dhe nëse ka turmë në Bogorodicë nuk do të mund të shkojmë në Dojran, jemi regjistruar për Bogorodicë. Udhëtimi do të jetë shumë i komplikuar”, thotë për portalin Faktor, Metodija Stojçeski nga Bashkimi i të rinjve të Krushevës.
Një çështje tjetër është akomodimi dhe thonë se nëse rezervohet një hotel dhe personi nuk merr leje hyrjeje në Shengen, gjërat komplikohen sërish. Bashkëbiseduesit tanë kërkojnë të paktën diplomacinë për të ndihmuar, për të lehtësuar udhëtimin në rajon.
Nga 10 nëntori i këtij viti, rregullat e reja për hyrje në vendet e Bashkimit Evropian (BE) zbatohen për qytetarët nga vendet e Ballkanit Perëndimor, përfshirë Maqedoninë e Veriut. Hyrja në BE, plus vendet e Zvicrës, Norvegjisë, Islandës dhe Lihtenshtajnit, të cilat janë pjesë e sistemit Shengen, do të kenë protokolle të veçanta për hyrjen e qytetarëve të vendeve që nuk janë pjesë e BE-së, pra rreth 60 vendeve.
Prandaj, e natyrshme është që sa më shpejt dhe sa më qartë secili qytetarë të njoftohet me këto rregulla të cilat do të jenë lehtësim i udhëtimit për të evituar secilin keqkuptim të mundshëm si pasojë e mungesës së informimit adekuar. A duhej të vendoseshin këto rregulla ose janë çështje diskutimi por që asesi nuk janë në duart të shteteve tona që të japin mendimin e tyre mbi vendime të tilla. /Zhurnal.mk