Njësia Speciale e Policisë së Kosovës po zhvillon aktualisht një aksion në Uglarë të Zubin Potokut, në afërsi të kanalit të ujit Ibër-Lepenc, ku ndodhi mbrëmë një shpërthim i fuqishëm.
Policia ka bastisur disa shtëpi, me ç’rast në një lokacion kanë gjetur sasi armatimi dhe nitroglicerinë [kjo e fundit përdoret për prodhimin e eksplozivëve}.
Burimet e medias kanë bërë me dije se do të ketë edhe bastisje të tjera të vazhdueshme dhe që ndërlidhen me shpërthimin e Ibër Lepencit në Zubin Potok.
Në tri ditët e fundit tri sulme kanë ndodhur në veriun e Kosovës. Më pak se 24 orë pas sulmit me granatë dore në ndërtesën e Komunës në Zveçan, ka ndodhur një shpërthim në rrjetin e ujësjellësit të Ibër-Lepencit në fshatin Varagë të Zubin-Potokut të premten.