196
Shkup, 1 janar – Presidentja dhe Komandanti i Përgjithshëm i Forcave të Armatosura, Gordana Siljanovska-Davkova, e shoqëruar nga shefi i Shtatmadhorisë së Armatës, gjeneralmajor Sashko Lafçiski, sot do t’i vizitojnë pjesëtarët e Armatës në kazermën “Jane Sandanski” në Shtip.
Gjatë vizitës, presidentja Siljanovska, siç kumtoi kabineti i saj, do të vizitojë disa nga njësitë e ushtrisë në këtë kazermë dhe do të marrë pjesë në takimin taktik-teknik të organizuar nga Batalioni i Dytë i Këmbësorisë, pas së cilës do të marrë pjesë në një drekë të përbashkët.
Vizita e pjesëtarëve të Armatës në ditën e parë të Vitit të Ri është një aktivitet tradicional i Presidentit dhe Komandantit të Përgjithshëm të Forcave të Armatosura.