Vrasja e Vanjës dhe Pançes, mbrojtja nuk mundej ta gjejë “incizimin” kyç dhe ta prezantojë

Shkup, 7 mars – Mbrojtja e të akuzuarit të parë, Lupço Palevski, nuk e prezantoi video incizimin për të cilin pohonin se ishte vendimtar. Sipas tyre, pamjet tregojnë se në momentin kritik të vrasjes së Vanjës, ai ndodhej në një bankë. Më vonë, Palevski përsëri kërkoi largimin e gjykatësit nga rasti për shkak të njëanshmërisë. Ai në sqarimin e tij tha se aktgjykimi është urdhëruar dhe tashmë është sjellë, por se nuk i frikësohet dënimit me burgim të përjetshëm dhe as nuk ndikon mbi të. E mërkura është momenti kyç nga procesi gjyqësor kur do të fillojë dhënia e dëshmisë të të akuzuarve të cilët paraprakisht u prononcuan të pafajshëm.