Shkup, 4 prill – Kreu i Komunës së Çairit, Visar Ganiu sot mori pjesë në mbledhjen e rregullt të Bordit drejtues të ZELS-it, ku së bashku me Ministrin e Punëve të Brendshme, z. Pançe Toshkovski, diskutuam për masa sistemore për parandalimin e zjarreve në pyje dhe përmbytjeve, shkruan Zhurnal.mk.
“Theksuam rëndësinë e bashkëpunimit ndërinstitucional dhe ndërmorëm hapa konkretë drejt përforcimit të kapaciteteve për reagim të shpejtë. Si komuna, kemi rol kyç në pastrimin e kanaleve atmosferike dhe mirëmbajtjen e shtratit të lumenjve, ndërsa në zonat pyjore duhet të krijohen korridore mbrojtëse për të penguar përhapjen e zjarreve.
Gjithashtu, u garantua mbështetje nga Qeveria për forcimin e brigadave zjarrfikëse dhe për rritjen e kapaciteteve ajrore për ndërhyrje të shpejta gjatë sezonit të verës.
Si gjithmonë, qëndroj i përkushtuar për mbrojtjen e qytetarëve dhe resurseve natyrore përmes veprimit të përbashkët dhe sistematik.”, njofton kreu i komunës së Çairit , Visar Ganiu