Aksidenti i turistes nga Nepali në Berat, dalin pamjet kur 20-vjeçari e përplas me motoçikletë

Një aksident i rëndë ndodhi të mërkurën në qendër të qytetit të Beratit, tek Ura e Varur.

Një 20-vjeçar me motor përplasi një turiste nga Nepali teksa ishte duke kaluar nga njëra anë e rrugës në tjetrën.

Përplasja ka qenë aq e fortë, saqë turistja dhe drejtuesi i motorit, E.Z, 20 vjeç, janë përplasur në asfalt të plagosur rëndë.

Ata janë transportuar fillimisht drejt Spitalit Rajonal Berat, ku pasi kanë marrë ndihmën e parë mjekësore janë transportuar drejt Spitalit të Traumës në gjendje të rëndë.