Shkup, 28 maj – Kryetarja e Gjykatës Kushtetuese Dobrilla Kacarska sot realizoi takim me ambasadoren e Republikës Federale të Gjermanisë, Petra Dreksler, me rastin e përfundimit të mandatit si dhe bashkëpunimit disavjeçar të suksesshëm.
Në takim, siç njoftoi Gjykata Kushtetuese, u theksua kënaqësia e përbashkët nga projektet dhe aktivitetet e realizuara në Gjykatën Kushtetuese me mbështetjen e Republikës Federale të Gjermanisë.
Dreksler shprehu mirënjohje të sinqertë personale për Kacarskan për atë që është punuar dhe rezultuar nga bashkëpunimi gjatë mandatit trevjeçar dhe rezultatet e arritura në drejtim të përmirësimit të punës së Gjykatës.
“Në fund të mandatit tuaj, ju falënderoj për bashkëpunimin e shkëlqyer. Forca juaj dhe bashkëpunimi do të mbeten një frymëzim për shumicën”, theksoi Dreksler në takim.
Ky është takimi i dytë zyrtar i ambasadores gjermane Petra Dreksler me kryetaren e Gjykatës Kushtetuese Dobrila Kacarska gjatë mandatit të saj. Gjykata Kushtetuese gjatë tre viteve të fundit, ka forcuar bashkëpunimin e saj me fondacionin gjerman IRZ, i cili hartoi një studim mbi nevojën për të paraqitur një ankesë kushtetuese, ndërsa përmes projekteve të tjera dhe organizatave joqeveritare të mbështetura nga Republika Federale e Gjermanisë, janë mbajtur takime në Gjykatën Kushtetuese në Slloveni dhe janë organizuar konferenca me ekspertë të njohur vendor dhe ndërkombëtar për çështjen e ankesës kushtetuese në Republikën e Maqedonisë së Veriut.