251
Shkup, 17 korrik – Grupi parlamentar i VLEN-it ka votuar sot në Kuvend në favor të Ligjit për ndarjen e vauçerëve në vlerë prej 250 eurosh për studentët e rregullt dhe ata me korrespondencë. Këto vauçerë do të përdoren për blerjen e pajisjeve elektronike si kompjuterë, laptopë, tabletë apo mjete të tjera të domosdoshme për procesin e mësimit dhe zhvillimit akademik.
Deputeti i VLEN-it, Adnan Azizi, theksoi se ky është një hap konkret në drejtim të përmirësimit të kushteve të studimit për të rinjtë në vend.
“Rinia është amaneti ynë! Ua kemi borxh të ardhmen dhe do të punojmë ditë e natë për të siguruar kushte moderne për çdo nxënës dhe student,” tha Azizi.