Bie borë në Slloveni

Pas kalimit të një vije të ftohti, temperaturat në Slloveni kanë rënë mjaftueshëm saqë majat më të larta të vendit janë mbuluar me borë në korrik.

Shtresa e borës mbuloi hapësirën që është 2,200 metra mbi nivelin të detit, ka njoftuar agjencia sllovene e mjedisit e njohur si ARSO, transmeton Telegrafi.

Kamerat në Kredarica dhe Kanin tregojnë qartë borën e parë të korrikut, dhe stacioni më i lartë meteorologjik në Kredarica mati zero gradë Celsius në orën 10 të mëngjesit.

Në anën tjetër në Kroaci, banorët e atjeshëm janë duke u ballafaquar me një mot të ngjashëm ku erërat e forta kanë shkulur drunjtë, çatitë dhe madje ka dëmtuar shumë anije në Split.

Breshëri dhe shiu i rrëmbyeshëm ka përmbytur shumë rrugë në qytetet e mëdha kroate.