Buxheti, opozita protestë para Parlamentit. 1 minutë heshtje në nder të 14-vjeçarit që humbi jetën

Opozita po mban këtë të martë protestën e paralajmëruar para Parlamentit të Shqipërisë.

Ndërkohë mësohet, se protestuesit kanë mbajtur 1 minutë heshtje në nder të 14-vjeçarit që mbeti viktimë e një sherri ditën e djeshme pranë shkollës “Fan Noli” në kryeqytet.

Opozita po proteston jashtë ambjenteve të parlamentit për të kundërshtuar miratimin e buxhetit 2025. Deputetët e opozitës kanë dalë haptas kundër miratimit të buxhetit, të cilin e konsiderojnë antisocial.