213
Një person ka raportuar se persona të panjohur në autolarje kanë dëmtuar me forcë katër aparate ku deponohen parat dhe nga aty ka arrit të marrin para të gatshme.
Sipas raportit 24 orësh të Policisë së Kosovës bëhet e ditur se rasti ka ndodhur të mërkurën rreth orës 05:48, në Prishtinë.
“Ankuesi mashkull kosovar ka raportuar se persona të panjohur në autolarje kanë dëmtuar me forcë katër aparate ku deponohen parat dhe nga aty ka arrit të marrin para të gatshme. Lidhur me rastin është identifikuar dhe arrestuar i dyshuari mashkull kosovar dhe të njëjtit i janë sekuestruar parat e vjedhura”, thuhet në raport.
Ndërkaq, siç thuhet në raport pas intervistimit me vendim të prokurorit i dyshuari është dërguar në mbajtje.