“Do të ruajmë jetën e ushtarëve”/ Ukraina humb qytetin lindor të Siverskut, Rusia përparon me territore

Trupat ukrainase janë tërhequr nga qyteti lindor i Siverskut, pas luftimeve të ashpra dhe përparimit të qëndrueshëm, megjithëse të ngadaltë, të forcave ruse.

Ushtria ukrainase tha se tërheqja u bë “për të ruajtur jetën e ushtarëve dhe aftësinë luftarake të njësive”, duke theksuar se Rusia kishte një “avantazh të konsiderueshëm në fuqi punëtore”.

Sipas ‘BBC’ rënia e Siverskut e afron Rusinë me qytetet strategjike Sloviansk dhe Kramatorsk, pjesë e ashtuquajturit “rrip i fortesës”, ende nën kontrollin ukrainas në rajonin industrial të Donetskut. Para luftës, Siversku kishte rreth 11 mijë banorë dhe tashmë është shkatërruar pothuajse plotësisht pas muajsh luftimesh.