Në SPB Shkup, një grua 29-vjeçare nga rrethina e Shkupit ka denoncuar se më datë 10 të këtij muaji, në shtëpinë familjare në territorin e komunës Petrovec, është sulmuar fizikisht nga bashkëshorti i saj K.J. (33), i cili ka përdorur një mjet të fortë, ndërsa njëkohësisht e ka kërcënuar edhe me një mjet të mprehtë.
Më herët, sipas denoncimit, K.J. e ka sulmuar fizikisht edhe vajzën e tyre të mitur.
Pas dokumentimit të plotë të rastit, do të pasojë parashtresë përkatëse.
Ndërkohë, dje në ora 09:20, në SPB Shkup, një grua 45-vjeçare nga rrethina e Shkupit ka denoncuar se gjatë ditëve të kaluara është sulmuar disa herë fizikisht nga bashkëshorti i saj A.B. (48), po ashtu nga Shkupi, i cili gjithashtu i ka dëmtuar telefonin mobil dhe automjetin e saj të udhëtarëve.
Po ndërmerren masa për zbardhjen e rastit dhe pas dokumentimit të plotë do të pasojë parashtresë përkatëse.