Ekstradohet në masa të rrepta sigurie nga Greqia në Shqipëri Firdeuss Berberi

Policia e Shtetit njoftoi se ka ekstraduar nga Greqia drejt vendit tonë shtetasin Firdeuss Berberi, i cili akuzohet për një plagosje të ndodhur në vitin 2022.

Ky shtetas ishte shpallur në kërkim ndërkombëtar, pasi Gjykata e Rrethit Gjyqësor, Pogradec, me vendim penal të datës 29.04.2022, ka caktuar ndaj tij masën e sigurisë “arrest me burg”, për veprën penale “vrasje me dashje” e mbetur në tentativë dhe kryer në bashkëpunim, “mbajtja pa leje dhe prodhimi i armëve, armëve shpërthyese dhe i municionit” dhe “prishja e qetësisë publike”, parashikuar nga nenet 76, 25 dhe 22, 278/1 dhe 274 të Kodit Penal.