Farke pas triumfit ndaj Chelseat: Luajtëm kundër një prej ekipeve më të mira në botë dhe fituam, me meritë

Trajneri i Leeds, Daniel Farke, foli për fitoren 3-1 ndaj Chelseat në ndeshjen e Premier League.

“Kjo është arsyeja pse punuam kaq shumë – për t’u rikthyer në këtë nivel. Ne donim një mbrëmje magjike si kjo. Atmosfera ishte e pabesueshme.

“Luajtëm kundër një prej ekipeve më të mira në botë dhe fituam, me meritë, duke luajtur një mbrojtje të shkëlqyer, duke shënuar tre gola dhe mund të kishim shënuar edhe më shumë.

“Sigurisht, pritej të ishte një ndeshje e vështirë – duhej të ishim të duruar. Chelsea kishte shumë posedim, por mendoj se nuk ka dyshim se e meritonim ta fitonim këtë ndeshje”, përfundoi ai.

Bijol, Tanaka dhe Lewin realizuan golat për Leeds, kurse Pedro Neto shënoi për Chelsean.