Katër alpinistë të zhdukur para dy ditëve në malet e Vardhusisë, në zonën malore të Fokidës në Greqi janë konfirmuar të vdekur nga ekipet e shpëtimeve.
Ata janë gjetur pa shenja jete nën një ortek dëbore në një terren jashtëzakonisht të vështirë dhe të rrezikshëm.
Bashkë me ta u gjet e pajetë edhe një grua, e cila sipas informacioneve të para ishte bashkëshortja e njërit prej alpinistëve.
Sipas autoriteteve, ata kanë humbur jetën nga një ortek i befasishëm u që mendohet se u shkaktua nga shkrirja e një shtrese bore dhe akulli, pas përmirësimit të përkohshëm të motit.
Ditët e mëparshme zona ishte përfshirë nga reshje të dendura dëbore dhe temperatura të ulëta, ndërsa të enjten kishte pasur diell dhe rritje të temperaturës.
Tre miqtë u nisën mëngjesin e së enjtes nga fshati Athanasios Diakos, dhe qëllimi i tyre ishte të përshkonin një itinerar malor drejt majës Korakas, një zonë ku relievi ndryshon papritur dhe paraqet rrezik sidomos gjate dimrit.
Gjatë kërkimeve, u gjet edhe automjeti i alpinistëve. Në operacion morën pjesë rreth 30 zjarrfikës, dronë për kërkime nga ajri dhe qen të trajnuar për shpëtim. Këto male janë një destinacion i rrezikshëm për turistët madje edhe për alpinistë me përvojë.
Klan News