Shkup, 23 janar – Presidentja Gordana Siljanovska Davkova e ka pritur sot guvernatorin e Bankës Popullore, Trajko Sllaveski.
Kabineti i presidentit njoftoi se guvernatori Sllaveski prezantoi treguesit bazë makroekonomikë në takim dhe e njohu Siljanovska Davkovën me politikën makroekonomike.
Ai shpjegoi ndikimin e trendeve globale gjeostrategjike në ekonominë maqedonase, duke shpjeguar proceset kryesore në industri, tregti dhe ndërtimtari.
Presidentja u interesua për aspektet pozitive të situatës aktuale ekonomike, si dhe për mangësitë dhe rreziqet.
Vlerësimi përfundimtar i guvernatorit ishte se ekonomia është e qëndrueshme, me rritje të fortë, por duhet t’i kushtohet vëmendje varësisë nga importi dhe çmimit të ushqimit dhe energjisë.
Të dy besojnë se burimet njerëzore profesionale dhe kompetente janë veçanërisht të rëndësishme për funksionimin e qetë të Bankës Popullore, sipas një komunikate nga Kabineti i presidentes Gordana Siljanovska Davkova.