371
Ministrja e Arsimit dhe Sportit, Ogerta Manastirliu, njofton se nga data 2 deri më 16 qershor 2025, janë të hapura aplikimet për të gjithë ata që dëshirojnë të bëhen pjesë e sistemit arsimor shqiptar përmes programit “Mësues për Shqipërinë”.
Ministrja Manastirliu në postimin e saj në rrjetet sociale evidenton se për “kandidatët që kanë dhënë provimin e licencës në maj 2025, ose janë në proces licencimi, afati i aplikimit do të jetë nga data 13-23 qershor 2025”.
Aplikimet realizohen përmes e-Albania. “Thjesht, shpejt dhe online”, shkruan Manastirliu.
Në proces mund të aplikojmë të gjithë të diplomuarit në fushat përkatëse të mësimdhënies, të cilët plotësojnë kriteret ligjore dhe arsimore për t’u bërë mësues.