Shkup, 27 qershor – Reshjet e rrëmbyeshme të mbrëmshme kanë bërë që uji të depërtojë një pjesë të bllokut të operacioneve në spitalin “8 Shtatori”, por pacientët janë transferuar në dy sallat e sapohapura, ndërsa çatia është duke u riparuar, tha për “Sloboden Peçat” drejtori Hristijan Kostov.
“Si pasojë e shiut të rrëmbyeshëm dhe një fluksi të madh uji në sipërfaqen e çatisë që ndodhet mbi bllokun operativ, një pjesë e atij uji nuk arriti të derdhej përmes sistemit të kullimit nga çatia. Në një vend ka rrjedhje uji në bllokun e operimit midis sallës së parë dhe të dytë të operacioneve dhe është normale që kur ka rrjedhje uji ato dy salla operative nuk janë në funksion për shkak të sterilitetit.
Ai shton se është në proces rinovimi i konstruksionit të çatisë ku ka rrjedhur uji dhe se mjeshtrit janë në terren.