217
Procesi i votimit të shqiptarëve jashtë vendit po vijon.
Komisioni Qendror i Zgjedhjeve nëpërmjet një njoftimi zyrtar për votuesit në Korfuz, Greqi, bëri më dije se “në datat 2, 3 dhe 4 maj, shërbimi postar DHL do të jetë i pranishëm në katër pika të ndryshme në ishullin e Korfuzit, për të mundësuar marrjen dhe dorëzimin e zarfeve zgjedhore”.
KQZ ka publikuar në një tabelë edhe informacion të detajuar mbi: adresat e pikave të shërbimit; oraret e operimit; zonat që mbulohen nga secila pikë.
“Gjatë këtyre orareve, qytetarët mund të plotësojnë fletën e votimit në vend dhe ta dorëzojnë menjëherë te përfaqësuesi i DHL”, njoftoi KQZ.
