Shkup, 17 qershor – Kuvendi sot në kuadër të seancës së 53-të plenare e miratoi Strategjinë fiskale të Republikës së Maqedonisë së Veriut për vitet 2026 – 2030 dhe ndryshimet dhe plotësimet në Ligjin për Planifikim Urbanistik, ndërsa përfundoi debati për ndryshimet në Kodin Zgjedhor dhe shtesë do të votohet edhe për ndryshimet dhe plotësimet në Ligjin për arsimin fillor.
Strategjia fiskale u shpjegua nga zëvendësministri i Financave, Nikolçe Jankulovski, i cili tha se dokumenti përmban drejtimet dhe qëllimet afatmesme të politikës fiskale, projeksionet themelore makroekonomike, shumat për kategoritë kryesore të të ardhurave dhe shpenzimeve të vlerësuara, si dhe projeksionet për deficitin buxhetor dhe borxhin.
Politika fiskale për periudhën 2026-2030 do të synojë përmirësimin e stabilitetit makroekonomik dhe mbështetjen e aktivitetit ekonomik nëpërmjet konsolidimit gradual fiskal. Një objektiv kryesor do të jetë përmirësimi i menaxhimit me financat publike, si dhe ruajtja e një niveli të lartë të shpenzimeve kapitale që do të mbështesin prioritetet ekonomike afatgjata.
Një nga elementët do të jetë edhe rritja e transparencës dhe llogaridhënies: Rritja e transparencës dhe llogaridhënies në financat publike, që do të përmirësojë efikasitetin e shpenzimeve buxhetore.
Në periudhën 2026 – 2030, politika tatimore do të synojë sigurimin e rritjes dhe zhvillimit të qëndrueshëm ekonomik, duke siguruar njëkohësisht siguri ligjore për taksapaguesit dhe pagesën e rregullt të të ardhurave publike. Siç theksohet në dokument, qëllimi është përmes rritjes së digjitalizimit të ulet ekonomia gri dhe të krijohet një sistem efikas tatimor në mënyrë që të gjithë të paguajnë detyrimet e tyre tatimore në mënyrë të drejtë dhe të ndershme. Kjo do të lejojë ruajtjen e normave të ulëta tatimore për taksat e tjera, dhe në të njëjtën kohë një sasi më të madhe mjetesh për investime kapitale me rreth 5,2 për qind të PBB-së, lirime tatimore, subvencione dhe stimuj për funksionimin e sektorit privat vendas dhe qytetarëve.
Deputetja e LSDM-së, Sanja Lukarevska, tha se Strategjia fiskale mund të parashikojë se cili do të jetë ribalancimi i buxhetit. Lukarevska, duke cituar Eurostat-in, tha se Maqedonia ka pagën minimale më të ulët në Evropë, ndërsa pas është vetëm Shqipëria, dhe se ka standardin më të ulët të fuqisë blerëse.
“Këto janë pasojat e qeverisë së VMRO-DPMNE-së, e cila vazhdimisht refuzon të pranojë masat e LSDM-së për rritjen e pagave, si dhe për çmimet e produkteve ushqimore”, tha Lukarevska, e cila paraqiti një sërë qëndrimesh në lidhje me një numër të madh parametrash dhe vlerësimesh financiare.
Reagoi Bojan Stojanovski nga VMRO-DPMNE, sipas të cilit po ndodh konsolidim financiar dhe fiskal sepse më parë po ndodhte kaos, për shkak se LSDM-ja i humbi zgjedhjet.
“Për 12 muaj, paga mesatare neto është rritur për 10,5 për qind, 33.800 pensionistë po marrin një rritje të pensioneve prej 26 deri në 33 për qind, kemi papunësi rekord, domethënë punësim rekord – për tre tremujore 10.000 njerëz kanë gjetur punë, tha Stojanovski, ndër të tjera. Ai renditi investimet e huaja direkte, rritjen e pagave në kujdesin shëndetësor dhe polici, ndërtimin e rrugëve të reja, pagesën më të lartë të taksave,…
Seanca e 53-të plenare pati gjithashtu debat mbi ndryshimet në Kodin Zgjedhor, të cilat kanë përfunduar debatin e tyre të përgjithshëm dhe i nënshtrohen një votimi shtesë. Shumica beson se ato duhet të miratohen dhe se u japin hapësirë kandidatëve të pavarur për të kandiduar në zgjedhjet lokale, ndërsa opozita i akuzon ato se janë miratuar pa u konsultuar. ev/vj/
Në kuadër të seancës së 53-të plenare debat shkaktuane dhe ndryshimet e Kodit zgjedhor, për të cilat përfundoi debati i përgjithshëm dhe shtesë duhet të votohet. Shumica beson se duhet të miratohen dhe se me ato u jepet hapësirë kandidatëve të pavarur për të kandiduar në zgjedhjet lokale, ndërsa opozita akuzon se po miratohen pa u konsultuar.