Trajneri i Chelseat, Enzo Maresca, këmbënguli se asgjë nuk ka ndryshuar për skuadrën e tij, pavarësisht fitores bindëse 3-0 ndaj Barcelonës në Stamford Bridge në Ligën e Kampionëve.
Fitorja siguroi që kualifikimi automatik i “Bluve” për 1/8 e finales së Ligës së Kampionëve mbetet në duart e tyre, transmeton GazetaBlic Sport.
Italiani ishte i qetë pas ndeshjes. “Është një fitore e madhe, veçanërisht sepse ishte kundër Barcelonës, por asgjë nuk ka ndryshuar në aspektin e llojit të skuadrës që jemi dhe asaj që mund të arrijmë”, tha Maresca, skuadra e të cilit do ta ngushtojë diferencën në krye në tre pikë me një fitore ndaj “Topçinjve” në Premier League.
“Sonte është e rëndësishme, por jo më shumë se kaq. Tani përqendrohemi në ndeshjen tjetër”, shtoi ai.