Mbledhje e Qeverisë nën slloganin “Dëgjojeni të ardhmen” me rastin e Ditës botërore të fëmijës

Shkup, 20 nëntor – Me rastin e Ditës botërore të fëmijës në organizim të UNICEF-it dhe Qeverisë së Republikës së Maqedonisë së Veriut në Sallën solemne do të mbahet mbledhje e Qeverisë nën slloganin “Dëgjojeni të ardhmen”.

Siç kumtuan nga shërbimi qeveritar për shtyp, në mbledhje, fëmijët, së bashku me kryeministrin dhe ministrat do të bisedojnë për krizën klimatike dhe ekologjike, teknologjitë e avanciara dhe ndryshimet demografike.

Pas përfundimit të ngjarjes në orën 12:30, kryeministri Mickoski do të mbajë konferencë prë shtyp në Media qendrën e Qeverisë.