Në Gjykatën Supreme po mbahet shqyrtimi i rastit në Dardan Krivaqës i cili u dënua me burgim të përjetshëm për vrasjen e Marigona Osmanit, në gusht të 2021-tës.
Lidhur me dënimin, mbrojtja ka paraqitur ankesë, njofton Klankosova.tv.
Kërkesë e avokatit të Krivaqës është që rasti të kthehet në rigjykim ose t’i hiqet dënimi i përjetshëm.
Mbrojtja është ankuar ndaj dënimit të vërtetuar nga Gjykata e Apelit.
10:40 – Në Supreme nis shqyrtimi i rastit të Dardan Krivaqës
Në Gjykatën Supreme po mbahet seanca ndaj Dardan Krivaqës, për vrasjen e Marigona Osmanit.
Krivaqa lidhur me rastin u dënua me burgim të përjetshëm.
Gjyqtarja Valdete Daka, lexoi aktakuzën para të pranishmëve në sallën e gjyqit.
“Dardan Krivaqa u shpall fajtor për vepren “Vrasje e rëndë” pasi më datën 21 gusht 2021 në banesën e tij në rrugën “Ramadan Rexhepi” rreth orës 10:14 e deri të nesërmen më 22 gusht, e ka privuar nga jeta në mënyrë mizore Marigona Osmanin, duke e goditur në ekstremitete të mesme me një shkop druri ngjyrë e zezë duke i shkaktuar dhimbje të mëdha fizike dhe psikike, me ç’rast shkaktohet edhe vdekja”, deklaroi Daka gjatë leximit të vendimit të Gjykatës Themelore të Ferizajt.
Daka deklaroi se i akuzuar është liruar nga akuza për dhunim, andaj kjo pjesë nuk do të shqyrtohet gjatë këtij gjykimi.