Mbyllet procesi i votimit në Kosovë, presidenti Begaj: Qeveria e re e dalë nga zgjedhjet të vazhdojë punën për të mirën e vendit

Menjëherë pas mbylljes së procesit të votimit në Kosovë për zgjedhjet parlamentare, Presidenti i Shqipërisë, Bajram Begaj, nëpërmjet një postimi në rrjetet sociale, ka përgëzuar qytetarët e Kosovës, “që shprehën vullnetin e lirë me votën e së dielës”.

“Qeveria e re e dalë nga zgjedhjet urojmë të vazhdojë punën për të mirën e vendit me zhvillimin e reformave dhe përparimin e progresit ekonomik dhe në bashkëpunim me partnerët ndërkombëtarë për një Kosovë të qëndrueshme dhe të aftë për të avancuar në proceset euroatlantike.”, shkruan Begaj.