185
Shkup, 30 shtator – Enti Shtetëror i Revizionit (ESHR) dhe Kryqi i Kuq do të realizojnë aktivitete të përbashkëta që synojnë mbështetjen e kategorive të brishta të popullsisë dhe promovimin e parimeve humanitare.
Aktivitetet janë definuar në memorandumin për bashkëpunim që do të nënshkruhet sot nga Kryerevizori shtetëror, Maksim Acevski dhe sekretari i përgjithshëm i Kryqit të Kuq, Sait Saiti.
Të dy institucionet do të punojnë së bashku në fushën e dhurimit të gjakut, ndihmës së parë dhe mbështetjes psikosociale, si dhe në organizimin e ngjarjeve publike që do të kontribuojnë në të mirën e bashkësisë.