Shkup, 20 janar – “Kjo është fillimi i shpërbërjes së një sistemi të drejtësisë që e kemi prej 30 vitesh,” theksoi Toni Menkinovski, avokat, në emisionin e mbrëmshëm “Top Tema” në TV Telma, në kontekst të rastit të gjyqtarit të dyshuar të Apelit, Gjoko Ristov, në shtëpinë e prindërve të të cilit u zbuluan 350.000 euro të murosura.
“Një sistem drejtësie që, për fat të keq, duhet ta them se po shpërbëhet vetvetiu, sepse ndoshta ka ligje, por nuk ka kush t’i zbatojë ato në mënyrë sistematike. Dhe ajo që më vjen shumë keq është se, kur i dëgjoj të rinjtë, si djemtë e mi, një nga arsyet pse maqedonasit tanë largohen nga Maqedonia është pikërisht kjo – pasiguria juridike,” vlerëson Menkinovski.
Ai theksoi se aktualisht në Maqedoni ka 500 gjyqtarë ose, siç tha ai, 25 gjyqtarë për 100.000 banorë.
“Një Amerikë, Suedi apo Francë kanë 9,5 gjyqtarë për 100.000 banorë dhe kanë një drejtësi shpërndarëse shumë më të mirë ndaj qytetarëve sesa në Maqedoni. Nëse më parë besimi në gjyqësor ishte 2 për qind, pas kësaj mendoj se do të kemi një cunami në sistemin maqedonas të drejtësisë, duke përfshirë gjyqësorin, pra gjyqtarët dhe prokurorët,” deklaroi Menkinovski.