Shkup, 13 maj – Zëvendëskryeministri i Parë dhe Ministër i Mjedisit Jetësor dhe Planifikimit Hapësinor, Izet Mexhiti njofton se po ndërmarrin hapat e parë për ta mbrojtur pasurin natyrore për brezat që vijnë!, shkruan Zhurnal.mk
“Ministria e Mjedisit, në bashkëpunim me komunat e Strugës dhe Vevçanit, ka nisur hartimin e Studimit të valorizimit të malit të Jabllanicës – një hap kyç drejt shpalljes së saj si zonë e mbrojtur.
Studimi do të vlerësojë biodiversitetin, habitatet, gjeodiversitetin dhe burimet ujore të këtij masivi malor të rrallë.
Jabllanica është një thesar ekologjik, pjesë e Rrjetit Emerald dhe kandidat për rrjetin Natura 2000. Me këtë hap, synojmë shpalljen e Malit Jabllanicë si zonë e mbrojtur, pra park kombëtar, siç është pjesa e Jabllanicës në Republikën e Shqipërisë, e shpallur në vitin 2008.
Le ta ruajmë natyrën – sepse ajo është trashëgimia më e çmuar që mund të lëmë!’, bënë të ditur Mexhiti