Shkup, 25 nëntor – Kryeministri Hristian Mickoski nuk është i impresionuar nga udhëheqësia e re e LSDM-së opozitare dhe vlerëson se nuk do të jenë opozitë konstruktive.
“Ne nuk mund të themi se çfarë udhëheqësie duhet të ketë LSDM-ja, ata kanë vendosur se meritojnë udhëheqësi të tillë. Nuk jam i impresionuar nga kjo udhëheqësi. Përkundrazi, jam i dëshpëruar sepse vlerësoj se këta njerëz nuk mund të jenë opozitë konstruktive dhe vlerë e shtuar në skenën politike dhe se do të vazhdojnë me konstruksione, trillime, ofendime të ulëta, të huaja, ditore…”, deklaroi sot Mickoski, duke e komentuar zgjedhjen e organeve më të larta të LSDM-së në kongresin e djeshëm.
Sipas Mickoskit, zgjedhjet lokale, të cilat duhet të mbahen për 10 muaj, do të jenë test për udhëheqësinë e re të LSDM-së.
“Unë do të doja të jenë partner konstruktiv në skenën politike, por për fat të keq duhet të konstatoj se nuk jam i impresionuar”, tha Mickoski.
Në kongresin e djeshëm të 30-të të LSDM-së ishte zgjedhur Fani Karanfilova Panovska zëvendëskryetare e re e LSDM-së. Në kongresin, në të cilin morën pjesë 536 nga 626 delegatë të rinj, ishte zgjedhur edhe Bordi Qendror i partisë, ndërsa deri në fund të javës pritet të zgjidhet e gjithë udhëheqësia e re e partisë.