Shkup, 2 korrik – Kryeministri Hristijan Mickoski shprehu kënaqësi për përparimin e arritur midis Shkupit dhe Sofjes për ndërtimin e Korridorit 8. Ai theksoi se kështu fqinjët duhet të ndërtojnë besim.
“Sa i përket Korridorit 8, jam i lumtur dhe do të thoja se e duartrokas përparimin e arritur, që kishin në takim zëvendëskryeministri dhe ministri i Transportit, Nikollosk me kolegun e tij nga qeveria bullgare. Është një hap përpara. Kështu duhet që fqinjët të ndërtojnë besim, bashkërisht të zbatojnë projekte dhe të kapërcejnë sfidat e mundshme. Mendoj se është një mesazh i madh”, thotë Mickoski.
Kryeministri Mickoski pret që javën e ardhshme në Bruksel të diskutojë detajet në nivel ekspertësh teknikë dhe, siç tha, “presim që edhe vetë BE-ja të dalë ashtu dhe atë tunel që ishte pengesë, ta financojë përmes një granti”.
I pyetur në lidhje me ofertat për ndërtimin e Korridorit 10, Mickoski u përgjigj se ofertat nga institucionet financiare pritet të mbërrijnë deri më 7 korrik.
“Tani uk do të komentoja nëse ka mbërritur, le të presim, në pyetje është një javë, nuk është shumë, nënvizoi Mickoski.