219
Ka përfunduar intervistimi i ministres në detyrë të Industrisë, Ndërmarrësisë dhe Tregtisë, Rozeta Hajdari në Prokurorinë Speciale.
Ajo nuk është përgjigjur për mediat në çfarë cilësie u intervistua.
Hajdari ishte paraqitur në objektin e Prokurorisë Speciale në orën 10:00. Raportohet se intervistimi lidhet me rastin e rezervave shtetërore që është duke u hetuar nga kjo Prokurori.
Ministrja Hajdari ishte intervistuar për këtë rast në prill të vitit 2024 në cilësinë e të pandehurës, për shkak të dyshimeve për keqpërdorim të pozitës apo autoritetit zyrtar.
Lidhur me këtë rast, gjatë ditës pritet të intervistohet edhe ish-sekretari i MINT, Irfan Lipovica, raporton Rtk.