Ministria e Industrisë, Ndërmarrësisë dhe Tregtisë (MINT) njofton se nesër (e hënë) do të mbahet konferencë për media ku do të diskutohet gjerësisht për nënshkrimin e Marrëveshjes së Tregtisë së Lirë me vendet e EFTA-së dhe përfitimet që bizneset vendore do t’i kenë.
Sipas njoftimit për media, konferenca pritet të filloj nga ora 14:00 dhe mbahet në objektin e ministrisë, përcjell Arbresh.info.
Të pranishëm në konferencë do të jenë edhe kryetarët e shoqatave.
“Për dallim nga vendet e rajonit, të cilat kanë nënshkruar më herët një marrëveshje të tillë, Republika e Kosovës është i vetmi vend në rajon që, përveç kapitullit të tregtisë së mallrave, ka negociuar edhe kapitullin e tregtisë së shërbimeve në këtë marrëveshje”, thuhet në njoftimin e MINT-it.