Shkup, 5 shtator – I shëndoshi ka shumë dëshira, ndërsa i sëmuri vetëm një, ndërsa ajo është të shërohet. Të sëmurët dhe familjet e tyre kishin besim në të akuzuarit se do ta marrin terapinë e nevojshme dhe shëndeti i tyre nuk do të dëmtohet, deklaroi prokurorja Ana Gogovska Jakimovska, në fjalimin hyrës në rastin “Onkologjia”, kundër ish drejtorit të Klinikës së Onkologjisë, Nikolla Vasev, i cili bashkë me edhe tre onkologë akuzohet për mjekim të pandërgjegjshëm të pacientëve.
Prokurorja Gogovska Jakimovska paralajmëroi se para Gjykatës, do të paraqesë dëshmi se i akuzuari i parë Nikolla Vasev me vetëdije dhe në mënyrë sistematike në kundërshtim me parimet themelore gjatë kësaj duke shkaktuar dëmtime të vështira të shëndetit të pacientëve.
“I akuzuari kreu disa nga të njëjtat veprime dhe kështu shkeli rëndë standardet dhe rekomandimet e procedurave botërore dhe evropiane të onkologjisë. I akuzuari, pa vendim konsullor, zbatoi dhe miratoi terapi me dozë dhe aplikim të papërshtatshëm, dhe pa vlerësuar gjendjen e performancës dhe parametrat biokimikë të pacientëve. Do të tregojmë se terapitë u përshkruan edhe kur nuk ishin të nevojshme, dhe për këtë arsye të dëmshme, pa mundësinë e zhvillimit të një efekti terapeutik”, deklaroi Gogovska Jakimovska.
Gjithashtu prokuroria, tha ajo, do të dëshmojë se ky veprim i pandërgjegjshëm ishte mundësuar me punë të drejtpërdrejtë me të akuzuarën e dytë Meri Peshevska, e cila në kuadër të neglizhencës dhe veprimit të saj i ka dhënë fjalëkalimet e saja për qasje në sistem dhe në këtë mënyrë i ka mundësuar finalizimin e terapive pa qasje adekuate.
“Mjekimi onkologjik kërkon mjekim të jashtëzakonshëm sepse përfshin terapi intensive ku gabimet mund të kenë pasoja fatale. Mosrespektimi i udhëzimeve ndërkombëtare onkologjike, mungesa e vendimmarrjes konsullore, parregullsi në dozimin e barnave, administrimi i terapisë jashtë diapazonit të lejuar, mosmarrja në konsideratë e parametrave”, tha prokurorja.
Ish drejtori i Klinikës së Onkologjisë Nikolla Vasev, i cili bashkë me edhe tre onkologë Meri Peshevska, Simonida Cërvenkova dhe Dragan Jakimovski, të gjithë të punësuar në Klinikën e Radioterapisë dhe Onkologjisë Shkup, janë të akuzuar për mjekim të pandërgjegjshëm të pacientëve.
Prokuroria i akuzon mjekët për vazhdimin e “krimeve të rënda kundër shëndetit të njeriut” dhe “trajtimit të pakujdesshëm”, me ç’rast 29 pacientëve u janë dhënë terapi të papërshtatshme, me devijime në dozë dhe pa një vlerësim të duhur të gjendjes së tyre shëndetësore.
Përveç kësaj, kundër Vasevit dhe ish-drejtorit ekonomik të Klinikës është ngritur akuzë tjetër për shpërdorim të detyrës zyrtare dhe përvetësim, me dëm prej mbi 2,2 miliardë denarë për buxhetin e shtetit.