Beograd, 1 shtator – Ka vdekur në moshën 101-vjeçare, Budimir Loncar, ish-kryediplomar. Siç shkruan “Antena Zadar”, Lonçar është gjetur i vdekur në det, pas së cilës dëshmitarët kanë lajmëruar menjëherë ambulancën dhe policinë, transmeton Zhurnal.mk
Portali shkruan se rrethanat e ngjarjes janë duke u hetuar dhe se edhe në moshën 101-vjeçare, Lonçar ishte ende shumë vital.
Ai festoi 100-vjetorin e lindjes më 1 prill të këtij viti dhe ditët e pensionit preferoi t’i kalonte në vendlindjen e tij në Prek, ku edhe vdiq.
Lonçari është i njohur për publikun e gjerë si ish-diplomat kroat dhe jugosllav dhe publiku e kujton atë edhe si ministrin e fundit të Punëve të Jashtme të RSFJ-së dhe të dërguarin special të Sekretarit të Përgjithshëm të Kombeve të Bashkuara për Lëvizjen e Jo-Angazhimeve.
Lonçar ishte këshilltar i dy presidentëve kroatë. Ai ishte edhe pjesëtar i aradhave partizane.