Përdorimi i kartave bankare, si alternativë për blerje në treg po njeh rritje të vazhdueshme.
Gjatë periudhës janar-qershor 2025, numri i përgjithshëm i blerjeve përmes kartave ose pagesave elektronike arriti në 27.9 milionë.
Në raport me vitin e kaluar, llogaritet një rritje prej 24%, ndërsa vlera totale e pagesave rezulton 3.5 miliardë lekë.
Kjo rritje e madhe i atribuohet kryesisht përdorimit të kartave dhe transfertave online, ku transaksionet me kartë zunë afro 70% të totalit.
Me zhvillimin e këtij formati në treg, edhe numri i kartave të debitit dhe kreditit në qarkullim ka shkuar 1.6 milionë, me një rritje vjetore 4%.
Shifra tregojnë se qytetarët dhe bizneset po përqafojnë gjithnjë e më shumë mundësitë që ofrojnë pagesat elektronike, në vend të blerjeve direkte me para cash, ndërsa Banka e Shqipëris mbështet këtë zhvillim, përmes reformave që synojnë rritjen e aksesit dhe transparencës në tregun financiar.