Lideri i Nismës, Fatmir Limaj, është në negociata me Lidhjen Demokratike të Kosovës, për mundësinë e ndonjë koalicioni parazgjedhor.
Kryetari i NISMA-s, Fatmir Limaj tregoi që është në kontakt me LDK-në, meqë gjatë ditës doli një lajm që ai do të bëjnë një marrëveshje me PDK-në.
“Nuk ka ndodhur asnjë takim mes dy partive (NISMA-PDK) dhe se pretendimet për dakordim janë të pavërteta. Siç e keni pa, jemi në kontakt me LDK-në”, tha Limaj për Klan Kosova.
Sa i përket bisedimeve me LDK-në, kujtojmë se ishte Abdixhiku, ai i cili para disa ditësh tha se kjo parti do të kujdeset që një pjesë të listës së vet ta hapë për partitë e tjera, përfshirë edhe Limajn me deputetët e vet, transmeton Klankosova.tv
Pas takimit të fundit publik mes dy liderëve të këtyre partive, Abdixhiku e pati quajtur Limajn “mik të shkëlqyer”.