Kryeministri hungarez, Viktor Orban deklaroi se sanksionet amerikane ndaj gazit dhe naftës ruse nuk do të zbatohen për Hungarinë, për sa kohë ai është kryeministër dhe Donald Trump president i Shteteve të Bashkuara të Amerikës.
Orban shtoi se ka diskutuar drejtpërdrejt me Trump për përjashtimin e Hungarisë nga këto sanksione dhe e përshkroi marrëveshjen si një nga bisedimet më të rëndësishme të vitit.
Ai theksoi se nëse sanksionet do të hynin në fuqi, kostot e shërbimeve komunale do të dyfishoheshin ose trefishoheshin, ndërsa çmimi i karburantit do të rritej për 2,5 euro për litër deri në Krishtlindje.
“Do të ishte një katastrofë e vërtetë. Arritëm ta parandalojmë këtë rrezik, në mënyrë që familjet hungareze të kenë një Krishtlindje të qetë dhe të kënaqshme”, deklaroi Orbán.