Ministri i Mbrojtjes Pirro Vengu vlerësoi sot përgatitjen e gjeneratës së re të Forcave Speciale.
“Këmbëngulja dhe ndjenja e shërbimit e të rinjve që konkurrojnë në kursin e Forcave Speciale është mbresëlënëse”, u shpreh Vengu.
Ministri theksoi se “pas 6 muajsh sfidash ekstreme, gjenerata e re e specialistëve i bashkohet misionit më të vështirë e më të lavdishëm të shërbimit ndaj atdheut”.
“Dyfishimi i aplikantëve tregon se e ardhmja e Forcave të Armatosura është e sigurt mbi supet e këtyre djemve e vajzave të jashtëzakonshëm”, u shpreh ministri.
Ky kurs, i zhvilluar sipas standardeve më të larta profesionale, synon formimin e një force elitare, të gatshme dhe të aftë për përmbushjen me sukses të çdo detyre dhe misioni.
https://www.facebook.com/pirrovengu.al/posts/122175958166473314?ref=embed_post