Shkup, 12 qershor – Pa furnizim me energji elektrike janë 47.000 konsumatorë në Shkup, pasi pas zjarit që ndodhi sot në mesditë në deponinë Vardarishte në mënyrë parandaluese janë shkyçur nënstacionet “Shkupi 4 – Aerodrom” dhe “Shkupi 4 – Lindje”.
“Për shkak të një zjarri të madh në deponinë Vardarishte, ndërsa me kërkesë të Brigadës së Zjarrfikësve, ekipet e Elektroshpërndarjes ndërhynë menjëherë në terren dhe shkyçën furnizimin me energji elektrike në nënstacionet “Shkupi 4 – Aerodrom” dhe “Shkupi 4 – Lindje”. Për momentin, 47.000 konsumatorë janë pa furnizim me energji elektrike. Furnizimi me energji elektrike do të rikthehet pasi Brigada e Zjarrfikësve të raportojë se zona është e sigurt dhe zjarri është shuar”, deklaruan për MIA-n nga Elektroshpërndarja.
Në shuarjen e zjarrit, me të cilin është përfshirë bari i thatë dhe materiale të mbeturinave, marrin pjesë 20 zjarrfikës me shtatë automjete zjarrfikëse.