Ministrja e Shtetit për Administratën Publike dhe Antikorrupsionin, Adea Pirdeni nënvizoi sot rëndësinë e forcimit të sigurisë kibernetike për të garantuar mbrojtje të gjerë të të dhënave të çdo qytetari nga çdo rrezik a kërcënim.
Pirdeni mori pjesë në Konferencën Vjetore 2024 të Avokati i Popullit, ndërsa iu drejtua panelit të dedikuar për “Digjitalizimin e Shërbimeve Publike dhe të Drejtave të Njeriut në Shqipëri”.
Ministrja u ndal veçanërisht te fokusi i qeverisë për të garantuar akses në shërbime cilësore, të shpejta dhe efektive për këdo.
Qeveria ka miratuar Strategjinë Ndërsektoriale-Agjenda Digjitale Shqipërisë, dhe Planin e Veprimit 2022- 2026, të cilat kanë për qëllim avancimin më tej me digjitalizimin e shërbimeve të qeverisë dhe zhvillimin e aftësive kibernetike.
Strategjia vlerëson si parakusht absolut për zbatimin e Agjendës Digjitale dhe përshtatjen me teknologjitë e kohës, aftësimin e punonjësve publikë në vend.
