Policia në kërkim të një personi, dyshohet për vjedhje

Policia e Kosovës ka kërkuar bashkëpunim nga qytetarët në mënyrë që të arrestohet një person i dyshuar nga Graçanica.

I dyshuari kërkohet për vjedhje.

“Njësiti i hetimeve të stacionit policor të Graçanicës, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. I dyshuar kërkohet për veprën vjedhje”, ka njoftuar policia.

Tutje, thuhet se “të nderuar, për çdo informatë që mund të çojë në identifikimin e të dyshuarit apo vendodhjes së tij, kontaktoni policinë në numrin e telefonit: 192”.