Policia njofton se të mërkurën do të zhvilllohet një ushtrim fushor ndërinstitucional

Policia e Kosovës ka njoftuar se të mërkurën do të mbahet një ushtrim fushor ndërinstitucional.

Në njoftim bëhet e ditur se ushtrimet do të nisin rreth orës 09:00, transmeton Telegrafi.

Tutje, në njoftim theksohet se qëllimi i ushtrimit fushor është praktikimi i koordinimit midis institucioneve -agjencive duke simuluar skenarë të ndryshëm për të siguruar një reagim efektiv.

“Policia e Kosovës informon opinionin dhe mediat se ushtrimi fushor përfundon rreth orës 13:30, falënderon qytetarët për mirëkuptimin e treguar gjatë zhvillimit të aktiviteteve të tilla dhe ri konfirmon angazhimin e institucioneve për të mbajtur një ambient të qetë dhe të sigurt për të gjithë”.