Figura të shquara të politikës dhe shoqërisë kanë reaguar pas lajmit të hidhur për ndarjen nga jeta të Bajram Qerkinit, kryetarit të shoqatës “Zëri i Prindërve”.
Ai ishte një njeri që jetoi për kauzën e drejtësisë, duke kërkuar pa u lodhur për fatin e të zhdukurve, përfshirë djalin e tij, Reshatin.
Kryetari i PDK-së, Memli Krasniqi ka shprehur ngushëllimet e tij për humbjen e madhe.
“Ai nuk ishte thjesht Kryetari i Shoqatës ‘Zëri i Prindërve’ – ai ishte fuqia e prindërve në pritje dhe zemra e një populli që ende pret drejtësi,” tha Krasniqi.
Krasniqi theksoi se kauza e Bacës Bajram dhe e qindra bashkëkombësve të tij mbetet një amanet i përjetshëm. “Nuk do t’i harrojmë ata që mungojnë dhe nuk do të ndalemi së kërkuari drejtësi për ta,” shtoi ai.
Ai e përshkroi Bajram Qerkinin si një njeri që iku nga kjo botë pa e mësuar kurrë se çfarë kishte ndodhur me të birin dhe shumë të tjerë.
“Baca Bajram do të kujtohet si njeri i urtë, i fortë dhe i palëkundur në kërkimin e së drejtës,” shtoi Haradinaj.