Shkup, 18 shtator – Presidentja Gordana Siljanovska Davkova sot e ka pritur Dragan Aleksoskin, u.d. drejtor rajonal i Organizatës ndërkombëtare për migrim për Evropën dhe Azinë Qendrore.
Në takim, siç njofton Kabineti i presidentes Siljanovska Davkova u bisedua pë bashkëpunimin e institucioneve të Maqedonisë me Organizatën ndërkombëtare për Migrim dhe mundësit për thellimin e saj, për fushat në politikën e migracionit të cilave duhet t’u jepet prioritet, si dhe për iniciativat e përhershme dhe aktivitetet e organizatës të paraparë për vendin tonë.
Duke shprehur mirënjohje për angazhimin dhe mbështetjen e vazhdueshme nga Organizata ndërkombëtare për migrim duke filluar që nga viti 1999, presidentja Siljanovska Davkova shprehu gatishmërinë e saj për të vazhduar partneritetin e ndërsjellë në ngritjen e kapaciteteve për menaxhimin e migracionit, kontrollin e kufijve dhe mbështetjen e grupeve të cenueshme.
Në takim u shkëmbyen mendime për mundësitë për vazhdimin e bashkëpunimit në lidhje me programin e migracionit për motive punësimi, të cilat e lehtësojnë integrimin e emigrantëve dhe e rrisin kontributin e tyre në zhvillimin kombëtar, si dhe mundësitë për forcimin e bashkëpunimit në fushën e ofrimit të shërbimeve shëndetësore për emigrantët.
Me këtë rast u shpreh interes edhe për bashkëpunim të planit të strategjive të qëndrueshme për zbutjen e rreziqeve të migrimit klimatik dhe menaxhimin e migracionit të shkaktuar nga ndryshimet klimatike.
Në takim, presidentja është njoftuar edhe për rolin e Organizatës ndërkombëtare për migrim në parandalimin e ekstremizmit të dhunshëm dhe programet për riintegrimin dhe rehabilitimin e luftëtarëve të huaj ttë kthyer dhe familjeve të tyre.
Presidentja e rikonfirmoi angazhimin e vendit për menaxhimin e migracionit legal dhe ilegal, në promovimin e kapaciteteve institucionale dhe harmonizimin e legjislacionit me standardet ndërkombëtare, si dhe përpjekjet për reagimin dhe menaxhimin e duhur të krizave në nivel kombëtar dhe rajonal.