Shkup, 4 shtator – Në Kuvendin e Republikës së Maqedonisë së Veriut sot në organizim të Institutit për Demokraci “Societas Civilis” (IDSCS), do të mbahet ngjarja “Progresi i Maqedonisë së Veriut në procesin e Berlinit – Prezantim i planeve të veprimit për tregun e përbashkët rajonal dhe agjendën e gjelbër”.
Siç është paralajmëruar, fjalime hyrëse do të kenë kryetari i Kuvendit, Afrim Gashi, Marko Troshanovski, kryetari i institutit për demokraci (IDSCS) dhe Petra Dreksler, ambasadore e Republikës Federale të Gjermanisë në vend.
Në këtë ngjarje, do të prezantohet raportet e fundit për progresin e procesit të Berlinit, me fokus në planet e veprimit për tregun e përbashkët rajonal dhe Agjendën e gjelbër.
Prezantimi synon të nxisë një diskutim produktiv mes deputetëve në Kuvend, bazuar në gjetjet e vëzhgimit të këtyre planeve nga IDSCS, kumtuan organizatorët e ngjarjes, që është pjesë e projektit “Diplomacia Parlamentare: Bashkëpunimi rajonal përmes dialogut parlamentar në rritje”, mbështetur nga Ministria federale e punëve të jashtme e Gjermanisë.